內地綜藝節目《中餐廳》第四季日前開播，由黃曉明繼續擔任店長，帶領藝人李浩菲﹑張亮﹑趙麗穎同林述巍喺船上開餐廳。不過第一集黃曉明就迎嚟巨大挑戰，要喺36度高溫嘅炎熱天氣下，親自搬行李到船上，當中要經過一條二百幾級嘅樓梯，認真唔簡單，最後黃曉明更因為太熱搞到溶妝，甩妝嘅佢完全變咗另一個人咁，搞到唔少網友好震驚！
相關新聞：黃曉明霸道被嘲「中年王子病」 神州英文醜出國際邊個要負責？
（圖片：黃曉明微博）
黃曉明一開始出場時，身穿藍色襯衫、黑色西褲，化埋妝個樣顯得炯炯有神。不過佢一見到條超長樓梯就就嚇到呆咗，忍唔住講咗句：「這真的是還蠻長的台階。」喺冇人幫助嘅情況下，黃曉明一邊搬就一邊出汗，行行吓都頂唔順停低抹汗休息。幾經辛苦搬完自己行李後，黃曉明又幫手搬其他物品，佢仲搞笑表示︰「我當減肥了。」經過一輪擔擔抬抬，最終順利將所有行李搬到船上，而眾人終於可以坐低開餐食飯。
一開始黃曉明好精神（圖片：影片截圖）
（圖片：影片截圖）
行樓梯不停流汗（圖片：影片截圖）
此時黃曉明已經體力透支，成頭滿頭大汗，襯衫亦濕透，但佢都一於少理，低頭瘋狂進食。不過當佢一抬頭時，黃曉明個樣完全變咗另一個人咁，妝容明顯甩晒，兩眼失焦兼冇靈魂，而且塊臉好紅又浮腫，面上輪廓亦消失！
最後成個樣呆咗兼溶妝（圖片：影片截圖）
（微博圖片）
影片截圖引起好多大陸網民討論，表示完全認唔岀係黃曉明：「這不是他吧」﹑「我看了好幾遍都沒看出來」、「差別有點兒大啊」、「面整個都腫了」、「真是同一個人？」不過亦有粉絲力撐黃曉明只係太累，仲話佢溶咗妝一樣靚仔：「還是很帥」、「是累吧，眼睛都快睜不開，他不是說只睡了四個多小時，這種情況下誰狀態都不會好」、「感覺像過敏，化妝品和汗融合，再用紙巾擦，誰的面也扛不住」
（圖片：影片截圖）
（圖片：黃曉明微博）
撰文：羅慧怡
責任編輯：楊安莉
August 03, 2020 at 02:01PM
https://ift.tt/31sdN8v
【同一個人？】黃曉明搬行李熱到溶妝「現真身」 網友嚇親認唔到：成塊面腫咗- 晴報- 娛樂- 中港台 - 晴報 Sky Post
https://ift.tt/3egJir6
No comments:
Post a Comment